Dagur íslenskrar tungu

Í dag er Dagur íslenskrar tungu en hann er haldinn hátíðlegur á fæðingardegi Jónasar Hallgrímssonar. Í skólum landsins og á vegum margra annarra stofnana og samtaka verður dagsins minnst með einhverju móti.

Stóra upplestrarkeppnin í grunnskólum landsins hefst formlega á degi íslenskrar tungu.

Katrín Jakobsdóttir mennta- og menningarmálamálaráðherra heimsækir skóla og menningarstofnanir á Akureyri í dag. Hún fór í morgun í leikskólann Kiðagil, Síðuskóla, Brekkuskóla og Naustaskóla. Um hádegisbil heimsækir hún Amtsbókasafnið o.fl. og verður síðan gestur íslenskuhátíðar, kl. 14-15.30, í Háskólanum á Akureyri á vegum framhaldsskóla og Háskólans. Loks verður hátíðardagskrá, öllum opin, í Ketilhúsinu kl. 16-17.

Á hátíðardagskránni afhendir ráðherra Verðlaun Jónasar Hallgrímssonar og tvær sérstakar viðurkenningar fyrir stuðning við íslenska tungu.

Sjá nánar um dagskrána í dag

Dagur íslenskrar tungu er opinber fánadagur.

• 5 blogg um fréttina

Bloggað um fréttina

• Axel Þór Kolbeinsson: Opinbert tungumál.
• Einhver Ágúst: Ég...
• Magnús Geir Guðmundsson: "Þar sem háir hólar...,
• Emil Örn Kristjánsson: Til hamingju, Ísland
• Ómar Geirsson: Höldum upp á dag íslenskrar tungu.