Lög um náttúruvernd endurskoðuð

Svandís Svavarsdóttir umhverfisráðherra hefur ákveðið að hefja endurskoðun á lögum um náttúruvernd með það fyrir augum að styrkja stöðu náttúruverndar í landinu.

Samkvæmt vef umhverfisráðuneytisins er þetta gert til þess að styrkja stöðu náttúrunnar og umhverfissjónarmiða í íslenskum rétti. Kveðið er á um endurskoðun laganna í samstarfsyfirlýsingu ríkisstjórnar Vinstrihreyfingarinnar græns framboðs og Samfylkingar.

Skipuð hefur verið nefnd til að annast endurskoðun laganna. Nefndinni er ætlað að skila umhverfisráðherra áfangaskýrslu í lok janúar 2010 og endanlegri tillögu að frumvarpi eigi síðar en 31. maí 2010.

Nefndina skipa: Salvör Jónsdóttir, formaður. Þóra Ellen Þórhallsdóttir, prófessor við Háskóla Íslands. Jón Gunnar Ottósson, forstjóri Náttúrufræðistofnunar Íslands.
Kristín Linda Árnadóttir, forstjóri Umhverfisstofnunar og Katrín Theodórsdóttir fulltrúi frjálsra félagasamtaka.

Á vef umhverfisráðuneytisins er að finna myndskeið þar sem ráðherra tjáir sig um umhverfismál

• 2 blogg um fréttina

Bloggað um fréttina

• Sigurjón Sveinsson: Aha, leynivopnið komið?
• Gunnar Th. Gunnarsson: Staða náttúrunnar er veik í íslenskri pólitík