Munu ekki þurfa að afskrifa neitt

Jóhannes Jónsson í Bónus sagði í Kastljósi Sjónvarpsins, að Nýja Kaupþing þurfi ekki að afskrifa neinar skuldir 1998 ehf., móðurfélags Haga, ef hugmyndir Jóhannesar og fjölskyldu um endurfjármögnun og nýtt hlutafé erlendis frá ná fram að ganga.

„Við ætlum okkur að ganga til samninga við bankann með það að leiðarljósi, að við ætlumst ekki til að hann afskrifi krónu. Við ætlum að borga allar okkar skuldir á ákveðinn hátt með nýju fjármagni. Það tekur náttúrulega einhvern tíma að borga það niður en við teljum okkur hafa fullan grundvöll fyrir því að ná því fram," sagði Jóhannes.

Sigmar Guðmundsson, sem ræddi við Jóhannes í Kastljósinu, sagði að nefndar hefðu verið tölur um nærri 70 milljarða króna skuldir 1998 og Haga, þ.e. 48 milljarða króna skuld 1998 og 20 milljarða króna skuld Haga. Jóhannes sagði að þessar tölur væru í engu samræmi við raunveruleikann. Hann sagðist hins vegar ekki geta upplýst hverjar skuldirnar eru.

Jóhannes sagði, að Hagar væri í góðum rekstri og gæti plumað sig ágætlega og jafnframt staðið undir ákveðinni skuldastöðu 1998.

• 7 blogg um fréttina

Bloggað um fréttina

• Gunnlaugur Bjarnason: Grunaður barnaníðingur sækir um sem leiksskólastjóri ? talinn hæfastur !
• Benedikta E: Hann hefur alltaf verið læginn við það - hann Jóhannes …
• G. Valdimar Valdemarsson: Lög eru lög
• Haraldur Haraldsson: Munu ekki þurfa að afskrifa neitt/Gott mál þetta,orð í tíma …
• Axel Jóhann Axelsson: Reynt að spila á samúðina
• Ómar Bjarki Smárason: Og hver borgar þá skuldirnar....
• Sigurður Sigurðsson: Borgið þið skuldirnar ykkar strax - þá er hægt að …