Fangelsi fyrir að valda slysi

Héraðsdómur Suðurlands hefur dæmt 21 árs gamlan karlmann í 8 mánaða fangelsi fyrir að að valda umferðarslysi en maðurinn var undir áhrifum fíkniefna og hafði að auki verið sviptur ökuréttindum.

Maðurinn virti ekki biðskyldu á gatnamótum í Þorlákshöfn í mars á síðasta ári og ók á mótorhjól. Ökumaður hjólsins slasaðist mikið.

Maðurinn var einnig stöðvaður í apríl á þessu ári eftir að hafa ekið bíl á 112 km hraða á Þorlákshafnarvegi. Reyndist maðurinn vera undir áhrifum fíkniefna. 

Þrátt fyrir ungan aldur á maðurinn langan sakaferil að baki. Hann hefur m.a. ítrekað verið dæmdur fyrir akstur undir áhrifum fíkniefna og rauf einnig skilorð dóms, sem hann hlaut nýlega.

• 1 blogg um fréttina

Bloggað um fréttina

• Morten Lange: Umferðarbrot sem stefna líf annarra í hættu eru alvarleg