Umferðarslys algengasta dánarorsök ungra kvenna

Umferðarslys eru algengasta dánarorsök kvenna á aldrinum 17-26 ára. Eru umferðarslys tvöfalt algengari orsök en sjálfsvíg sem er næst algengasta orsökin.

Þetta kemur fram í samantekt Umferðarstofu  þar sem stuðst er við upplýsinga frá Hagstofunni og  tölur úr slysaskrá Umferðarstofu á  10 ára tímabili frá 1999 til 2008.

16 konur í umræddum aldurshópi létust í umferðarslysum á þessu tímabili  en helmingi færri þ.e. 8 af völdum sjálfsvíga. Hjá ungum karlmönnum eru sjálfsvíg hinsvegar algengasta dánarorsök eða 71 tilfelli en umferðarslys koma þar næst á eftir í 45 tilfellum. Mun fleiri karlmenn eða 195 létu lífið í þessum aldurshópi en konurnar  voru 61. 

Þegar tölur um dánarmein beggja kynja á aldrinum 17 – 26 ára eru lagðar saman kemur í ljós að það eru mestar líkur á að ungt fólk deyi af völdum sjálfsvíga og umferðarslysa. Þegar eldri hópurinn, 27 – 36 ára, er skoðaður, kemur hinsvegar í ljós að mikil breyting á sér stað hvað varðar helstu dánarorsakir í samanburði við yngri hópinn. Þar er krabbamein orðið  næst algengasta dánarmeinið  en  sjálfsvíg og vísvitandi sjálfsskaði eru enn algengustu dánarmeinin. Í eldri hópnum eru umferðarslys þriðja algengasta orsök.

• 1 blogg um fréttina

Bloggað um fréttina

• Stefán Helgi Kristinsson: Röng fyrirsögn!