Vilja Icesave aftur í nefnd
Setja bókamerki
Þingmenn stjórnarandstöðunnar fóru fram á það á Alþingi í dag að farið yrði með Icesave-málið aftur inn í nefndir þingsins til frekari umfjöllunar. Sögðu þeir svo mikilvægar upplýsingar hafa komið fram á undanförnum dögum að ekki væri annað hægt. Að sögn forseta Alþingis verður málið skoðað. Á meðan ekki hefur verið tekin ákvörðun heldur önnur umræða um Icesave áfram.
Þorgerður Katrín Gunnarsdóttir, varaformaður Sjálfstæðisflokks, hvatti til þess að gert yrði hlé á umræðunni á meðan álitamál, lík þeim sem fram koma í grein Sigurðar Líndal lagaprófessors og áliti Daniels Gross, verði rædd í fjárlaganefnd og efnahags- og skattanefnd.
Fleiri þingmenn komu upp og tóku undir með Þorgerði. Sigmundur Davíð Gunnlaugsson, formaður Framsóknarflokks, sagði stöðuna augljósa. Eina vitið væri að taka málið aftur inn í nefnd. Jafnframt sagði hann, að nýjar upplýsingar sem fram eru komnar minni á það, að ríkisstjórnin hafi ekki gert neitt til að leita eftir utanaðkomandi ráðgjöf. Ríkisstjórnin vilji ekki heyra staðreyndir málsins, og það þrátt fyrir að samningsstaða Íslands sé býsna sterk.
Oddvitaviðtöl í Reykjavík suður
Jón Ingi heimsmethafi í mynsturstökki
Þungt hugsi yfir ofbeldinu
Fordæma árásir á ísraelska áhangendur
Kjör kennara hafi vaxið langt umfram almennan markað
Einn á slysadeild eftir hópslagsmál
Deiliskipulag úr gildi
Fimm á sjúkrahús og 62 handteknir í Amsterdam