Fasteign lækkar leiguverðið

Eignarhaldsfélagið Fasteign hefur ákveðið að lækka leigu á fasteignum sem Vestmannaeyjabær leigir. Leigan mun lækka úr tæpum 17 milljónum, sem greitt var fyrir leiguna í nóvember, niður í rúmar 12 milljónir, að því er fram kemur á vef Eyjafrétta. 

Leigugreiðslur hafa hækkað óheyrilega seinustu misseri.  Þannig var leigurgreiðsla Vestmannaeyjabæjar til Fasteignar 9,4 milljónir í nóvember 2007, 15 milljónir í nóvember 2008 og í nóvember 2009 var upphæðin komin upp í 16,9 milljónir.  Leiguverð hafði því hækkað um 80% á tveimur árum eða um 7,5 milljónir.

„Bæjarráð fagnar ákvörðun EFF um lækkun leigu enda hafa leigugreiðslur hækkað óheyrilega seinustu misseri. Eftir tilgreinda breytingu verður leiga Vestmannaeyjabæjar af fasteignum í eigu EFF rúmar 12 milljónir á mánuði,“ segir í bókun bæjarráðs frá því í gær.

• 1 blogg um fréttina

Bloggað um fréttina

• Gísli Foster Hjartarson: Ekki öllum illa við okkur!!