Óvirk skúffufélög greiða ekki nefskatt

Fjöl­miðladeild mennta- og menn­ing­ar­málaráðueyt­is­ins hef­ur fengið marg­ar fyr­ir­spurn­ir um nefskatt­inn sem renn­ur til Rík­is­út­varps­ins ohf. Einkum hef­ur orðið vart við ónægju eig­enda einka­hluta­fé­laga sem eru í litl­um eða eng­um rekstri.

Ráðuneytið hef­ur miðað við að skatt­inn greiði aðeins fyr­ir­tæki sem eru með rekst­ur.

Fjöl­miðladeild mennta­málaráðuneyt­is­ins hef­ur heyrt í fólki sem er óánægt með að þurfa að greiða þetta gjald. Fleiri kvart­an­ir eða fyr­ir­spurn­ir hafa þó borist frá eig­end­um smá­fyr­ir­tækja sem eru ósátt­ir.

Elfa Ýr Gylfa­dótt­ir deild­ar­stjóri nefn­ir sem dæmi að ein­stak­ling­ar hafi stofnað einka­hluta­fé­lag um bát eða ein­hverja aðra starf­semi sem þeir hafi áður rekið und­ir eig­in nafni og finnst þeir nú tví­skattaðir.