Enn er rætt um Icesave

Þingfundur er í fullum gangi á Alþingi en hann hófst kl. 10.30 í morgun. Þó svo fleiri mál séu á dagskrá er frumvarp um ríkisábyrgð vegna Icesave-skuldbindinga mál málanna. Tólf þingmenn stjórnarandstöðunnar eru á mælendaskrá, enginn stjórnarliða.

Síðasti ræðumaður; þingmaður Hreyfingarinnar, Margrét Tryggvadóttir, las fyrir stundu upp stöðuuppfærslu þingmanns annars stjórnarflokksins á samskiptavefnum Facebook. Sagði Margrét að þingmaðurinn hefði ritað að honum liði illa, enda styddi hann ríkisstjórnina en ekki Icesave. Liði þingmanninum sem hann væri fastur í vítahring.

Óvíst er hvenær þingfundi lýkur í kvöld, en kvöldmatarhlé verður frá 19 til 19.30.

Bein útsending frá Alþingi

• 4 blogg um fréttina

Bloggað um fréttina

• Dögg Pálsdóttir: Afsakið, matarhlé ...
• Heimir Lárusson Fjeldsted: Trúður í forsetastóli Alþingis
• Halldór Sigurðsson: Og enn mótmæli - myndband
• Haraldur Haraldsson: Enn er rætt um Icesave/er .það nokkur furða,stærsta mál okkar …