Fjölmenni á uppboði tollstjóra

Mikill fjöldi fólks er nú mættur á uppboð Tollstjórans í Reykjavík á lausafjármunum sem hófst klukkan 12 á hádegi. Þar eru boðnar upp ótollafgreiddar vörur sem aflutningsgjöld eru fallin í gjalddaga.

Eftir ýmsu er að slægjast og meðal þess sem boðið er upp í dag eru bílar, útilegubúnaður, veiðigræjur, skór, marmari, prófílar, boltar, efnavörur, gler, innréttingar, húsbúnaður, dekk, kerrur, skrúfur, málningarsprey, myndarammar, timbur, varahlutir í hjólhýsi og bíla, hurðar og margt fleira.

Hæstbjóðandi verður að greiða vöruna við hamarshögg, en hvorki ávísanir né kreditkort eru tekin gild sem greiðsla, aðeins debetkort og reiðufé. Uppboðið fer fram í Vörumiðstöð Samskipa, Kjalarvogi 7-15.

• 1 blogg um fréttina

Bloggað um fréttina

• Benni: HURÐAR, hvað er nú það??