Fyrning gæti rýrt efnahag bankanna: NBI á mest undir

Nýi Landsbankinn, NBI, færi langverst út úr fyrningarleið veiðiheimilda, sem stjórnvöld hafa áformað. Bankinn er með nærri helming allra skulda sjávarútvegsins í sínu bókhaldi, eða um 248 milljarða króna.

Ef fyrningarleiðin verður farin er hætta á að verðmæti veða í aflaheimildum rýrni og efnahagur NBI og annarra banka einnig.

Ekki er gert ráð fyrir fyrningu aflaheimilda í færslu eigna á milli gömlu og nýju bankanna. NBI er eini bankinn sem öruggt er að verður í meirihlutaeigu ríkisins á næstu árum. Tap vegna virðisrýrnunar veða í aflaheimildum mun því lenda á skattgreiðendum.

Sjá nánari umfjöllun um málið í Morgunblaðinu í dag.