Jólatrén í Snæfellsbæ tendruð

Kveikt var á jólatrjám í Snæfellsbæ í  dag einu af öðru. Fyrst var kveikt á jólatrénu á Hellissandi og klukkutíma seinna á jólatrénu í Ólafsvík þar sem fjöldi manns lét snjó og kulda ekki á sig fá.

Sönghópurinn Jólastjörnurnar söng nokkur jólalög við í tilefni dagsins, síðan var talið niður og kveikt á jólatrénu við mikinn fögnuð áhorfenda. Að lokum komu börn Grýlu til byggða og gladdist yngri kynslóðin enda fengu börnin ýmislegt gott í gogginn.

Einkar jólalegt hefur verið um að litast í Snæfellsbæ í dag enda er þar allt á kafi í snjó eftir úrkomu helgarinnar. 

Snæfellingar þurftu að moka frá bílunum sínum í dag því snjónum hafði kyngt niður. mbl.is/Alfons

• 1 blogg um fréttina

Bloggað um fréttina

• Guðjón Guðvarðarson: Kveikt í trénu???