Skipuð ráðuneytisstjóri

Mennta- og menningarmálaráðherra hefur skipað Ástu Magnúsdóttur í embætti ráðuneytisstjóra mennta- og menningarmálaráðuneytis frá og með 1. desember 2009.

Ásta lauk LLM í Evrópurétti frá Háskólanum í Leicester árið 2009 og 1989 lauk hún cand. jur. frá lagadeild Háskóla Íslands. Undanfarin ár hefur Ásta starfað sem skrifstofustjóri hjá EFTA í Brussel og stýrt skrifstofu sem annast rekstur EES-samningsins að því er varðar frjálsa för fólks, fjármagns og þjónustu. Einnig heyrir undir skrifstofuna þátttaka EES/EFTA ríkjanna í samstarfsáætlunum ESB á sviði rannsókna og nýsköpunar, mennta- og menningarmála, málefni ungmenna o.fl.

Umsóknarfrestur um embætti ráðuneytisstjóra rann út hinn 20. nóvember sl. og bárust samtals 25 umsóknir um embættið, þar af þrettán konur og tólf karlar.

• 3 blogg um fréttina

Bloggað um fréttina

• Jóhann Elíasson: ÁTTI EKKI AÐ FÆKKA RÁÐUNEYTUM OG SAMEINA???????????
• Gísli Foster Hjartarson: Skrifstofustjórarnir 5...
• Jóhannes Ragnarsson: Litla títlan, sem okkur er talin trú ...