Lýsa furðu á málatilbúnað stjórnarandstöðunnar

Í ályktun sem aðalfundur Samfylkingarfélagsins í Garðabæ hefur sent frá sér er lýst furðu á þeim málatilbúnaði sem stjórnarandstaðan á Alþingi hefur uppi við umræður um Icesave samninga.

„Í nafni lýðræðis hafa þingmenn stjórnarandstöðunnar þegar stórskaðað hagsmuni Íslendinga með málþófi. Þessi ótrúlega hegðun á mestu örlagatímum Íslands  grefur undan tilraunum ríkisstjórnarinnar og fulltrúa þjóðarinnar í hvers konar viðskiptum til þess að efla traust erlendra manna á Íslendingum sem þjóðríki, sem hægt sé að taka alvarlega,“ segir í ályktuninni. 

Aðalfundur Samfylkingarfélagsins í Garðabæ hvetur þar jafnframt þingmenn Vinstri grænna til þess að taka þingflokk Samfylkingarinnar sér til fyrirmyndar og ganga í takt og í samræmi við ríkisstjórnarsáttmála núverandi ríkisstjórnar, öllum til heilla.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Meirihluti Alþingis stórskaðar hagsmuni Íslands