Samþykkt að ræða önnur mál
Setja bókamerki
Samkomulag hefur náðst á milli stjórnarflokkanna og stjórnarandstöðu að ræða önnur mál en Icesave-samkomulagið á Alþingi. Gert var hlé á Icesave-umræðunni um kl. 21:30 í kvöld og eru önnur mál nú til umræðu.
„Það er komið ákveðið samkomulag um það hvernig málsmeðferðin verður næstu daga, “ segir Sigurður Ingi Jóhannsson, varaformaður þingflokks Framsóknarflokksins.
Hann segir að ekki sé búið að fullmóta málsmeðferðina en „það er góður andi á milli stjórnar og stjórnarandstöðu að reyna að ljúka málum og koma öðrum málum á dagskrá,“ segir hann. „Þetta er samkomulag um að koma málum í gang,“ segir Sigurður.
„Það verður þingfundur á fyrramálið og þá verða bæði Icesave og skattamál rædd í bland,“ segir Árni Þór Sigurðsson, varaformaður þingflokks VG. Engin þingfundur verður á sunnudag en umræðurnar munu svo hefjast á ný á mánudag.
Þetta eru ráðherrar ríkisstjórnarinnar
Samfylking og Viðreisn gáfu loforð
„Mér finnst gamla Samfylkingin komin aftur“
Víkingar komnir yfir 800 milljónir í greiðslur
Stormur á Þorláksmessu en víðast hvar stefnir í hvít jól
„Tímabil aukinnar eldvirkni“
Bjarni: „Útilokað að þetta geti gengið upp“
