Óvissa um 54 störf

Óvissa ríkir um hvað verður um störf 54 starfsmanna Varnarmálastofnunar þegar hún verður lögð niður á næsta ári, að því er fréttavefur Víkurfrétta bendir á. Nú starfa 47 í höfuðstöðvum stofnunarinnar á Ásbrú í Reykjanesbæ og sjö starfa við ratsjárstöðvar stofnunarinnar á Bolafjalli, í Stokksnesi og á Gunnólfsvíkurfjalli

Sem kunnugt er ákvað ríkisstjórnin í gær að leggja Varnarmálstofnun niður þegar á næsta ári. Víkurfréttir benda á að ekki komi fram í tilkynningu utanríkisráðuneytisins hvað verður um þessa 54 starfsmenn.

Samkvæmt tilkynningunni á að skipa starfshóp fimm ráðuneyta til að undirbúa það að leggja stofnunina niður og flytja verkefni hennar til annarra borgaralegra stofnana. 

• 2 blogg um fréttina

Bloggað um fréttina

• Högni Jóhann Sigurjónsson: Jæja, hvern er verið að kaupa?
• Axel Jóhann Axelsson: Óvissa um 54 opinber störf?