Tekist á um fullveldið

Fullveldið var umfjöllunarefni þáttar Sigurjóns M. Egilssonar, Sprengisands, á Bylgjunni í dag.  Guðmundur Hálfdanarson, prófessor við Háskóla Íslands, segir að fullveldið sé í hættu þar sem ríki sem getur ekki staðið við skuldbindingar sínar njóti ekki viðurkenningar annarra ríkja sem fullvalda ríki. Hann vill meina að Ísland glati ekki fullveldi sínu með inngöngu í Evrópusambandið og undir það tók Sigríður Ingibjörg Ingadóttir, þingmaður Samfylkingarinnar.

Heiðrún Lind Marteinsdóttir, félagi í Heimssýn, sagði í þættinum að þau ríki sem væru aðildarríki Evrópusambandsins hafi glatað fullveldi sínu. Það þýði að ríki eins og Þýskaland séu ekki fullvalda. Hún sagði að ekki ætti að tengja gjaldmiðlaumræðu við umræðu um fullveldi en ljóst væri að eitthvað þyrfti að gera hvað varðar gjaldmiðil Íslands.

Guðmundur sagði að það vildi brenna við í umræðunni frá hruninu að Íslendingar litu á sig sem fórnarlömb. Miklu nær væri að líta á hegðun íslenskra fjármálamanna í útlöndum, einkum og sér í lagi á Norðurlöndunum og í Bretlandi.

• 7 blogg um fréttina

Bloggað um fréttina

• Haraldur Haraldsson: Tekist á um fullveldið//auðvitað missum við það við inngöngu i …
• Gunnar Skúli Ármannsson: Fullveldi vs vanskilamenn....
• Ingibjörg Guðrún Magnúsdóttir: Að verða stór getur stundum verið erfitt.
• Jakob Falur Kristinsson: Fullveldi Íslands
• Gústaf Níelsson: Misskilningur prófessorsins
• Magnús Helgi Björgvinsson: Já það var nefnilega það!
• Halldór Sigurðsson: Og mótmæli í gær - myndir og myndbönd