Aðeins ál frá Íslandi í Masdar
Setja bókamerki
Aðeins má nota ál frá Íslandi í framkvæmdum, sem standa yfir í borgarhverfinu Masdar í Abu Dhabi í Sameinuðu arabísku furstadæmunum. Ástæðan er sú, að íslenska álið framleitt með raforku úr endurnýjanlegum orkugjöfum en Masdar á að verða algerlega umhverfisvæn og laus við losun gróðurhúsalofttegunda.
Þetta kom fram í erindi Gríms Björnssonar, jarðeðlisfræðings hjá Reykjavik Geothermal, á haustþingi Jarðhitafélagsins í gær en fyrirtækið vinnur að nýtingu jarðhita fyrir Masdar. Borgarhverfið á að vera kolefnishlutlaust og úrgangslaust en auk sólarorku hyggjast forsvarsmenn verkefnisins nýta þar jarðhita, einkum til að knýja kælikerfi borgarinnar.
Fjallað er um erindi Gríms á vef Samorku en í máli hans kom fram, að svo ströngum reglum er fylgt við byggingu borgarinnar, að fyrirtækið má ekki nota þar ál, til dæmis í skiltagerð, nema það sé frá Íslandi.
Hraunið við bílastæði Bláa lónsins
Líklega komin á seinni hluta hrinunnar í Svartsengi
Drónamyndskeið frá hápunkti gossins í nótt
Mjög alvarlegt ef Njarðvíkuræð gefur sig
Börn hafi engan rétt á leikskólakennslu
„Erum í miðri hrinu“: Styttist í Eldvörp
Fullvissa ferðamenn um að hér sé öruggt
Virknin dregist saman um 600 metra