Ráðinn framkvæmdastjóri Borgarahreyfingarinnar

Borgarahreyfingin hefur ráðið Tryggva Haraldsson, 28 ára stjórnmálafræðing sem framkvæmdastjóra.  Tryggvi verður þar með fyrsti formlegi starfsmaður  Borgarahreyfingarinnar. Borgarahreyfingin fékk fjóra menn kjörna á þing í síðustu alþingiskosningum en þeir hafa allir yfirgefið Borgarahreyfinguna. Þrír þeirra eru nú þingmenn Hreyfingarinnar en einn er utan flokka.

Staðan var auglýst í nóvember og sóttu 9 um starfið.  Tryggvi lauk stúdentsprófi frá Fjölbrautaskólanum í Breiðholti 2001, BA. prófi í stjórnmálafræði með viðskiptafræði sem aukagrein frá Háskóla Íslands 2006 og stundar nú Meistaranám í Evrópufræðum við Háskólann á Bifröst.

• 1 blogg um fréttina

Bloggað um fréttina

• Jakob Falur Kristinsson: Nýr framkvæmdastjóri