Boða rafræna þjóðarkosningu um Icesave

Vefmiðillinn Eyjan hefur boðað til blaðamannafundar í höfuðstöðvum sínum kl.15:30 í dag. Í fundarboðinu kemur fram að tilgangurinn með fundinum sé að hleypa af stokkunum rafrænni kosningu á meðal almennings um hvort veita skuli ríkisábyrgð á Icesave-samkomulaginu.

Um sé að ræða þjóðarkosningu sem fram mun fara á netinu dagana 13.-17. desember. „Þetta er fyrsta örugga rafræna atkvæðagreiðslan hér á landi sem allir íslenskir kjósendur geta tekið þátt í. Notast er við kerfið Íslendingaval þróað af Íslenskri erfðagreiningu. Kerfið tryggir fullkomið öryggi og nafnleynd,“ segir m.a. í fundarboðinu.

Á fundinum muni ritstjóri Eyjunnar Guðmundur Magnússon og fulltrúar Íslenskar erfðagreiningar fara nánar yfir hvernig kosningin fer fram og hver tilgangurinn með henni sé.

• 3 blogg um fréttina

Bloggað um fréttina

• Ómar Bjarki Smárason: Er Eyjan hlutlaus sjálfstæð stofnun....
• Guðsteinn Haukur Barkarson: Lofsvert framtak Eyjunnar.is
• Iris Agusts: Einn galli...