Hætt við skipulagða leit að ristilkrabbameini

Ekki eru taldar forsendur, við núverandi aðstæður í ríkisfjármálum, að hefja skipulega leit að krabbameini í ristli og endaþarmi hjá einstaklingum af báðum kynjum á aldrinum 60-69 ára.

Í fjárlögum árið 2008 var samþykkt 20 milljóna króna heimild vegna þessa verkefnis. Í greinargerð meirihluta fjárlaganefndar með breytingartillögum við fjárlagafrumvarp næsta árs, segir að frekari skoðun hafi leitt í ljós að umtalsvert meiri kostnaður fylgi því að hefja leit að krabbameini í ristli og endaþarmi hjá þessum aldurshópi og því séu ekki taldar forsendur til að hefja þetta verkefni.

Á móti er lagt til, að fjárheimild hækki um 20 milljónir króna vegna nýs samnings við Krabbameinsfélagið um leit að krabbameini í leghálsi og brjóstum kvenna.

• 4 blogg um fréttina

Bloggað um fréttina

• Hulda Elma Guðmundsdóttir: Fækka þarf þeim sem komnir eru yfir sextugt!
• Jakob Falur Kristinsson: Krabbamein
• Heimir Lárusson Fjeldsted: Kemur ekki á óvart
• Gísli Gíslason: Af hverju eru fjármunir fluttir til ?