Gáfu hjálparsamtökum matvæli og fé

Starfsfólk Arion banka hefur undanfarna daga safnað hátt í hálfu tonni af margvíslegum matvælum til að gefa í sameiginlega jólasöfnun Mæðrastyrksnefndar, Rauða krossins og Hjálparstarfs kirkjunnar.

Stjórnendur bankans ákváðu jafnframt að leggja málefninu lið með fimm milljón króna peningagjöf í stað þess að senda viðskiptavinum bankans jólakort eða jólagjafir. Fulltrúar hjálparsamtakanna tóku á móti gjöfunum í dag.

Á fjölskylduhátíð Arion banka, sem haldin var þann 5. desember lögðu starfsmenn bankans til jólagjafir sem sendar voru til úthlutunar í Mæðrastyrksnefnd. Þá hafa starfsmenn einnig styrkt nefndina sérstaklega með peningagjöfum.

• 2 blogg um fréttina

Bloggað um fréttina

• Guðrún María Óskarsdóttir.: Ábending til Arion banka.
• Hörður B Hjartarson: Sér grefur gröf þótt grafi