Útifundur SÁÁ

Sáá boða til útifundar á Austurvelli í dag kl. 17 og skora á landsmenn að mæta og sýna þannig samstöðu sína með baráttu samtakanna. Í tilkynningu segir að SÁÁ hafi náð góðum árangri en nú sé hann hins vegar í hættu nái skerðingartillögur fjárlagafrumvarpsins fram að ganga. Þá verði alvarlegt og óbætanlegt skarð höggvið í starf SÁÁ.

Á útifundinum á Austurvelli munu Páll Óskar Hjálmtýsson og Bubbi Morthens syngja kjark og æðruleysi í fundarmenn. Kveikt verður á kertum sem þakklætisvotti fyrir þau líf sem starfsemi SÁÁ hefur bjargað og bætt.