Pétur hrósaði ríkisstjórninni

Lög um  heimild til samninga um álver í Helguvík voru samþykkt við upphaf þingfundar á Alþingi í morgun með 39 atkvæðum gegn 1. Pétur Blöndal, þingmaður Sjálfstæðisflokksins, hrósaði ríkisstjórninni þegar hann gerði grein fyrir atkvæði sínu. 

„Herra forseti, ég vil bara hrósa ríkisstjórninni hæstvirtri fyrir það að reisa álver," sagði Pétur.

Eini þingmaðurinn, sem greiddi atkvæði gegn frumvarpinu, var Birgitta Jónsdóttir, þingmaður Hreyfingarinnar. Fimm þingmenn Vinstri grænna, þar á meðal ráðherrarnir Álfheiður Ingadóttir og Katrín Jakobsdóttir, sátu hjá ásamt einum þingmanni Framsóknarflokks og einum þingmanni Hreyfingarinnar.

Frumvarpið var lagt fram vegna athugasemda frá Eftirlitsstofnun EFTA (ESA)  við núgildandi lög.  Annars vegar er um að ræða athugasemd um gildistíma samningsins og hins vegar athugasemd um frávik varðandi stimpilgjald.

• 5 blogg um fréttina

Bloggað um fréttina

• Baldur Hermannsson: Tími Péturs er loksins kominn
• Jón Kristófer Arnarson: Takk Birgitta
• Jón Aðalsteinn Jónsson: 39 gegn 1
• Sigurður Jónsson: Vinstri stjórnin á vissulega hrós skilið fyrir að vilja álver …
• Erling Garðar Jónasson: Fast þeir sækja björg í bú þeir þingmenn Suðurnesja.