Fyrsta greiðsla Norðurlandalána komin

Fyrsti hluti láns frá Norðurlöndunum var í dag greiddur til Íslands í tengslum við efnahagsáætlun stjórnvalda og Alþjóðagjaldeyris­sjóðsins. Um er að ræða 300 milljónir evra.

Ísland hefur heimild til að nýta alls 444 milljónir evra fram að annarri endurskoðun efnahagsáætlunarinnar sem áætlað er að fari fram um miðjan janúar 2010. Að sögn Seðlabankans var ekki talin þörf á frekari notkun á lánsheimildinni að sinni og flytjast því 144 milljónir evra til næsta tímabils sem hefst að lokinni annarri endurskoðun. Andvirði lánsins verður ávaxtað  sem hluti af gjaldeyrisforða Seðlabanka Íslands.

Gjaldeyrisforði bankans er nú um 458 milljarðar króna. eða sem nemur 2495 milljónum evra. Það samsvarar vöruinnflutningi í rúmt ár miðað við síðustu 12 mánuði.

Enn eru ódregin umsamin lán að fjárhæð tæplega 2,3 milljarðar evra frá Norðurlöndunum, Alþjóðagjaldeyrissjóðnum og Póllandi.

• 3 blogg um fréttina

Bloggað um fréttina

• Einar Guðjónsson: Ekki skilyrði um áætlun gegn spillingu.
• Kristin stjórnmálasamtök: Norðurlöndin lána okkur á 11. stundu – þeirra, ekki okkar!
• Börkur Hrólfsson: Dettum íða !