Eldur í sjónvarpstæki á Selfossi

Eldur kviknaði í sjónvarpi í barnaherbergi íbúðarhúsi við Kálfhóla á Selfossi skömmu fyrir kl. 10 í morgun.  Að sögn lögreglu var snarræði húsbónda heimilisins því að þakka að ekki varð stórbruni, en hann tók upp logandi sjónvarpið og kom því út úr húsinu.  

Slökkvi- sjúkra- og lögreglulið fór þegar á staðinn en þá var sjónvarpið komið út og enginn eldur í húsinu.  Maðurinn brenndist á hendi og hlaut aðhlynningu sjúkraflutningamanna.  Slökkviliðsmenn reykræstu húsið. og var tjón á íbúðinni einungis út frá reyk. 

Í morgun kom einnig upp eldur í bifreið við hringtorgið í Hveragerði. Olíurör sprakk og frussaðist olía yfir vél bílsins. Eldurinn var hinsvegar minniháttar og gekk greiðlega að slökkva og er bíllinn að mestu óskemmdur. 

• 1 blogg um fréttina

Bloggað um fréttina

• Gísli Foster Hjartarson: Funheit jóladagskrá....