Kvöldskólagjöld þrefaldast

Skólagjöld nemenda í kvöldskóla munu þrefaldast á næsta ári miðað við breytingu á lögum um framhaldsskóla, sem Alþingi samþykkti rétt fyrir jól að því er virðist án nokkurrar umræðu. Þetta kom fram í fréttum Stöðvar 2 og Bylgjunnar í hádeginu.

Samkvæmt nýsamþykktum lögum kostar rúmlega 260 þúsund krónur að sækja 35 eininga nám í kvöldskóla, en lögum um framhaldsskóla hefur verið breytt á þann veg að sett hefur verið inn ákvæði til bráðabirgða þar sem framhaldsskólum er heimilað að taka gjald sem nemur 7.500 krónum á hverja einingu, sagði í fréttinni. Í gildandi lögum var þessi fjárhæð 2.500 kr á einingu. Því er um þreföldun á gjöldunum að ræða.

• 2 blogg um fréttina

Bloggað um fréttina

• Arnar Bergur Guðjónsson: Samt er verið...
• Villi Asgeirsson: Gleðileg Jól