Áforma að byggja hús við Reynisfjöru

Sveitarstjórn Mýrdalshrepps hefur auglýst tillögu að aðalskipulagi Mýrdalshrepps, en tillagan gerir ráð fyrir að byggð verði aðstaða fyrir ferðamenn við Sólheimajökul og í Reynisfjöru.

Deiliskipulagið nær til eins hektara lóðar úr óskiptu landi Sólheimajarða. Svæðið er í um 300 m fjarlægð frá Sólheimajökli. Gert er ráð fyrir að byggð verði ferðamannaaðstaða í 1-2 húsum og geta byggingar verið samtals um 120 m². Aðkoma að svæðinu er um núverandi veg að Sólheimajökli.

Deiliskipulagið nær ennfremur til um eins hektara lóðar úr óskiptu landi Reynishverfisjarða. Gert er ráð fyrir að byggð verði ferðamannaaðstaða í 1-2 húsum og geta byggingar verið samtals um 120 m². Aðkoma að svæðinu er um Reynishverfisveg.

Deiliskipulagstillögurnar eru til sýnis á skrifstofu Mýrdalshrepps og hægt er að nálgast þær á vef sveitarfélagsins www.vik.is. Frestur til þess að gera athuga­semdir er til 2. febrúar nk.

• 2 blogg um fréttina

Bloggað um fréttina

• Njörður Helgason: Hver rekur?
• Börkur Hrólfsson: Líst ekki á það.