Geir Gunnlaugsson skipaður landlæknir

Dr. Geir Gunnlaugsson verður næsti landlæknir frá 1. janúar 2010 og er skipaður til fimm ára. Álfheiður Ingadóttir, heilbrigðisráðherra, ákvað þetta í dag. Fimm sóttu um starf landlæknis.

Fimm sóttu um starf landlæknis, en staðan var auglýst 30. október. Hæfisnefnd fór yfir umsóknir og kallaði alla umsækjendur til viðtals. Nefndin mat það svo að þrír umsækjenda uppfylltu skilyrði auglýsingarinnar og teldust því hæfir til að gegna embættinu. Voru þeir kallaðir í ítarleg viðtöl.

Geir Gunnlaugsson tók læknispróf  frá Háskóla Íslands 1978 og varð síðan sérfræðingur í barnalækningum, hann tók doktorspróf frá Karolinsku stofnuninni í Stokkhólmi 1993 og masterspróf í lýðheilsufræðum frá sömu stofnun 1997. Hann starfar nú sem prófessor við kennslufræði- og lýðheilsudeild Háskólans í Reykjavík.

Hann hefur aflað sér mikillar þekkingar og reynslu af lýðheilsustörfum, bæði hérlendis og erlendis, starfaði um nokkurra ára skeið að uppbyggingu og stefnumótun heilbrigðisþjónustu í þróunarlöndum. Geir starfaði sem forstöðumaður og yfirlæknir við Miðstöð heilsuverndar barna til margra ára.  Þá hefur hann verið afkastamikill fræðimaður og kennari. 

• 3 blogg um fréttina

Bloggað um fréttina

• Árni Þór Björnsson: Ánægjuleg frétt
• Bjarni Kjartansson: Sprenghlægilegt að ekki ein kvenréttindakona láti heyra í sér !
• Ásgeir Rúnar Helgason: Til hamingju Geir