Innlent | mbl | 2.1.2010 | 12:41 | Uppfært 13:39

Fundi lokið á Bessastöðum

Mynd 1 af 15 Bessastaðir baðaðir í rauðum bjarma. Ragnar Axelsson

Mynd 2 af 15 Fólk fór að týnast í hlaðið á Bessastöðum á ellefta tímanum. Ómar Óskarsson

Mynd 3 af 15 Fólkið skildi bílana eftir við Bessastaðaafleggjarann og gekk að bæjunum. Ómar Óskarsson

Mynd 4 af 15 Undirskriftir afhentar Ómar Óskarsson

Mynd 5 af 15 Talið er að nálægt þúsund manns hafi verið á Bessastaðahlaðinu þegar mest var. Ómar Óskarsson

Mynd 6 af 15 Kór undir stjórn Egils Ólafssonar söng Ísland farsælda frón. Ómar Óskarsson

Mynd 7 af 15 Forsvarsmenn InDefence koma á Bessataði með undirskriftalistana. Ómar Óskarsson

Mynd 8 af 15 Egill Ólafsson heilsar Magnúsi Árna Skúlasyni. Ómar Óskarsson

Mynd 9 af 15 Magnús Árni ávarpaði mannfjöldann við Bessastaði og sagði þetta vera stóra stund. Ómar Óskarsson

Mynd 10 af 15 Fulltrúar InDefence afhenda Ólafi Ragnar Grímssyni undirskriftalistana. Ómar Óskarsson

Mynd 11 af 15 Fulltrúar InDefence áttu rúmlega klukkustundar langan fund með forsetanum. Ómar Óskarsson

Mynd 12 af 15 Tendrað var á rauðum neyðarblysum eftir að kórinn hafði sungið. Ragnar Axelsson

Mynd 13 af 15 Mikinn reyk lagði af blysunum.. Ragnar Axelsson

Mynd 14 af 15 og Bessastaðahúsin nánast hurfu í reykmökkinn. Ragnar Axelsson

Mynd 15 af 15 Undirskriftir afhentar Ragnar Axelsson

Kveikt var á rauðum neyðarblysum við Bessastaði í morgun. mbl.is/RAX

Fundur fulltrúa samtakanna InDefence og forseta Íslands á Bessastöðum stóð í tæplega eina og hálfa klukkustund.

Jóhannes Þ. Skúlason, einn InDefence-manna, sagði sagði að fundurinn hefði verið mjög góður og innihaldsríkur og þeir hafi fengið tækifæri til að útskýra sín sjónarmið fyrir forsetanum og þau sjónarmið sem liggja að baki undirskriftasöfnuninni.

„Forsetinn tók málaleitan okkar vel og hlýddi á okkar röksemdir. Svo fóru fram örlitlar umræður í lok fundarins. Við erum mjög ánægðir með fundinn og þökkum forsetanum fyrir að hafa tekið sér tíma til að funda með okkur,“ sagði Jóhannes.

Hann sagði að Ólafur Ragnar Grímsson, forseti, hefði ekkert látið uppskátt um hvenær hann tæki ákvörðun um Icesave-lögin.

Ólafur Ragnar frestaði því á ríkisráðsfundi á gamlársdag að taka afstöðu til þess hvort hann staðfestir Icesave-lögin eða synjar þeim staðfestingu. Hann vísaði þá m.a. til þess, að hann hefði heitið InDefence að taka á móti fulltrúum samtakanna og undirskriftum, sem safnað hefur verið á vef þeirra.

InDefence sagðist hafa afhent forseta Íslands 56.089 undirskriftir undir áskorun á forseta að synja nýjum Icesave lögum staðfestingar. Á heimasíðu samtakanna segir, að 60.624 hafi skrifað undir áskorunina.