Kann að hafa skaðað Ísland

Töfin á málsmeðferðinni í Icesave kann að hafa tafið endurreisn Íslands, að mati Dags B. Eggertssonar, varaformanns Samfylkingarinnar, sem tekur ekki afstöðu til þess hvort biðin á afgreiðslu Ólafs Ragnars Grímssonar, forseta Íslands, hafi orðið til að skaða hagsmuni Íslands erlendis.

Dagur segir erfitt að meta áhrifin af þeirri töf sem hlotist hafi af umþóttunartíma forsetans, sem fékk Icesave-lögin til afgreiðslu á gamlársdag.

„Ég treysti mér ekki til að meta það. Hins vegar getur vel verið að Icesave-málið í heild sinni og sá dráttur sem hefur orðið á niðurstöðu í því hafi skaðað okkur. Og ég held að sá dráttur hafi ekki verið góður fyrir aðra þætti í endurreisninni og þess vegna er mjög mikilvægt að ná niðurstöðu í þessu máli,“ segir Dagur B. Eggertsson. 

• 4 blogg um fréttina

Bloggað um fréttina

• Ómar Sigurðsson: Ekkert hefur skaðað þjóðina eins og Samfylkingin.
• Vilhjálmur Árnason: Sam spillingar þræðir.
• Jóna Kolbrún Garðarsdóttir: Tafir á endurreisn Íslands?
• Sigurjón Þórðarson: Dramadrottningar ríkisstjórnarinnar