Sjö fíkniefnamál á Litla-Hrauni

Sjö fíkniefnamál komu til rannsóknar hjá lögreglunni á Selfossi í liðinni viku.  Öll málin komu í venjubundnu eftirliti fangavarða á Litla-Hrauni.  

Tilkynnt var um innbrot í fimm sumarbústaði í Grímsnesi um helgina. Í flestum tilvikum var sjónvarpstækjum stolið.  Eins var staðið að innbrotunum og segir lögregla líklegt að sama fólk hafi staðið að þeim.   

Fyrir skömmu var brotist inn í veiðihús við Hlíðarvatn í Selvogi og þaðan stolið nýju leðursófasetti ásamt hljómtækjum og kaffivél. 

Brotist var inn á verkstæði SG húsa við Austurveg 69 á Selfossi í byrjun síðustu viku.  Hljómflutningstækjum og tölvuskjá var stolið.  Þjófurinn braut sér leið inn í húsið með því að spenna upp hurð. 

Lögreglan vinnur að rannsókn þessara mála og eru allar upplýsingar vel þegnar.  Sími lögreglunnar er 480 1010.

• 1 blogg um fréttina

Bloggað um fréttina

• Guðjón Sigþór Jensson: Af hverju er ekki unnt að halda fangelsi frá eiturlyfjum?