Danskir ESB andstæðingar styðja Íslendinga

Danska Þjóðarhreyfingin gegn Evrópusambandinu telur það óviðeigandi að danska ríkisstjórnin skuli þrýsta á íslensku þjóðina með því að hóta að draga til baka lánsloforð Dana, ef Íslendingar hafni Icesave-lögunum. Kemur þetta fram í yfirlýsingu á vef hreyfingarinnar.

Þjóðarhreyfingin berst fyrir því að Danir dragi sig úr Evrópusambandinu og á móti auknu hlutverki sambandsins.

Í yfirlýsingu Þjóðarhreyfingarinnar kemur fram sú skoðun að óréttlátt sé að almenningur á Íslandi greiði Bretum og Hollendingum fyrir Icesave-reikningana.

Danir eru hvattir til að stuðla að því að ríkisstjórnir Bretlands og Hollands greiði sjálfar tap innlánseigenda.

• 2 blogg um fréttina

Bloggað um fréttina

• Sigurður Haraldsson: Hjálp frá Dönum.
• Guðmundur Jónas Kristjánsson: En hvað með Heimssýn?