Yfir 3300 í greiðsluerfiðleikum

Á fjórða ársfjórðungi 2009 bárust 835 umsóknir til Íbúðalánasjóðs vegna greiðsluerfileika sem eru um 27% fleiri umsóknir en á þriðja ársfjórðungi. Á árinu 2009 bárust 3320 slíkar umsóknir, eða um 42% fleiri umsóknir en á árinu 2008.

Þetta kemur fram í mánaðarskýrslu Íbúðalánasjóðs. Úrræði vegna greiðsluvanda eru samningar, skuldbreyting vanskila, frestun á greiðslum, lenging lána og  greiðslujöfnun.

Í árslok 2009 höfðu um 41 þúsund lán verið greiðslujöfnuð sem samsvarar til um 50% af útlánasafni sjóðsins.

Heildarútlán sjóðsins námu rétt rúmum 30 milljörðum króna á árinu 2009 samanborið við rúma 64 milljarða króna á árinu 2008 en það samsvarar 53% samdrætti milli ára.

• 3 blogg um fréttina

Bloggað um fréttina

• Jón Rúnar Ipsen: Yfir 3300 í greiðsluerfiðleikum
• Jakob Falur Kristinsson: Greiðsluerfiðleikar
• Haraldur Haraldsson: Yfir 3300 í greiðsluerfiðleikum/sennilega ekki öll sagan sögð????