Fagna samstöðu um Icesave
Setja bókamerki
Stjórn Félags íslenskra stórkaupmanna, FÍS, fagnar því í yfirlýsingu að samstaða virðist vera að nást meðal stjórnmálaflokka um afstöðu gagnvart viðsemjendum Íslands í Icesave málinu.
Telur stjórn FÍS ekki þurfa að fjölyrða um mikilvægi þess að Ísland hafi eina rödd í málinu og að óvissu í kringum málið linni sem allra fyrst. Það sé grundvallaratriði að heildarhagsmunir þjóðarinnar ráði för en ekki pólitískir hagsmunir einstakra flokka. Í því felist að Íslendingar umgangist skuldbindingar sínar af ábyrgð, réttindi sín af festu en sýni umfram allt samstöðu í sinni framgöngu.
„Stjórn FÍS telur nauðsynlegt að stjórnmálamenn nálgist fleiri mikilvæg mál með samstöðu að leiðarljósi. Ástandið í atvinnulífinu er grafalvarlegt og að óbreyttu mun það versna. Nú þarf samstöðu um nauðsynleg umbótaverkefni og atvinnusköpun," segir í yfirlýsingunni.
„Ég er bara vongóður“
Ný könnun: Sjálfstæðisflokkur dalar enn
Oddvitaviðtöl í Reykjavík suður
Ábendingar borist vegna leikskóla
Alvarlega veikar og greindust að lokum með alnæmi
Endurskoða starfsleyfi bálstofu kirkjugarðanna
Konur og börn „næstum 70%“ látinna á Gasa