Engin niðurstaða eftir Icesave-fund

Ekkert nýtt kom fram á fundi stjórnvalda með formönnum stjórnarandstöðunnar, sem hófst í stjórnarráðinu kl. 16:30. Fundinum lauk nú rétt fyrir sex, en þar var farið yfir stöðuna í Icesave-málinu og samskipti íslenskra stjórnvalda við Breta og Hollendinga.

Birkir Jón Jónsson, varaformaður Framsóknarflokksins, var á fundinum í fjarveru formannsins Sigmundar Davíðs Gunnlaugssonar, sem er staddur erlendis.

Birkir Jón segir í samtali við mbl.is að næstu skref í málinu hafi verið rædd. Engin formleg niðurstaða hafi orðið. „Ekkert annað en það að menn haldi áfram að tala saman. Það má kannski segja að það veiti ekkert af því í ljósi þess hve mikil gjá er orðin á milli stjórnar og stjórnarandstöðu í þessu máli,“ segir Birkir Jón.

Birgitta Jónsdóttir, þingmaður Hreyfingarinnar, segir að stjórnvöld hafi gefið stjórnarandstöðuflokkunum upplýsingar um gang mála í viðræðunum við Breta og Hollendinga.

• 3 blogg um fréttina

Bloggað um fréttina

• Ómar Geirsson: Var Jóhanna krafin svara um leynisamning sinn við breta????
• Óðinn Þórisson: Er Icesave stjórnin fallin ?
• Páll Vilhjálmsson: Stjórnin uppiskroppa með biðleiki