Eyjafundi útvarpað á netinu

Ákveðið hefur verið að hafa beina útsendingu frá baráttufundi gegn fyrningarleið í sjávarútvegi, sem haldinn verður í kvöld í Vestmannaeyjum. Fundurinn verður haldinn í samkomuhúsinu Höllinni og hefst klukkan 20. Sent verður út frá fundinum á vefnum Eyjafréttum.

Boðað er til fundarins undir yfirskriftinni „Fyrnum fyrningarleiðina“ gegn fyrningarleið í sjávarútvegi, útflutningsálagi á ísfiski, afnámi sjómannaafsláttar og aðför að landsbyggðinni.

Fundarboðendur eru Sjómannafélagið Jötunn, Skipstjóra- og stýrimannafélagið Verðandi, Félag vélstjóra- og málmtæknimanna, Godthaab í Nöf, Útvegsbændafélag Vestmannaeyja, Útvegsbændafélagið Heimaey og Vestmannaeyjabær.

Sérstakur gestur fundarins verður Vilhjálmur Egilsson framkvæmdastjóri Samtaka atvinnulífsins, en einnig flytja ávörp Sigurður Sveinsson, varaformaður Sjómannafélagsins Jötuns, Eyþór Harðarson, varaformaður Útvegsbændafélags Vestmannaeyja, Friðrik Björgvinsson, umboðsmaður Félags vélstjóra- og málmtæknimanna og Elliði Vignisson, bæjarstjóri í Vestmannaeyjum.

Eyjafréttir.is

• 2 blogg um fréttina

Bloggað um fréttina

• Þorsteinn H. Gunnarsson: Fyrirfram greidd leiga
• Jóhann Elíasson: ÁRÓÐURSMASKÍNA LÍÚ OG TAGLHNÝTINGA ÞEIRRA KOMIN Á FULLA FERÐ!!!!!!!!!!!!!