Íslenskt bygg í þorrabjór

Ölgerðin sendir þorrabjór í vínbúðir og á veitingastaði í dag  á bóndadaginn sem markar upphaf þorra. Þorrabjórinn er að þriðja hluta gerður úr íslensku byggi sem er ræktað á bænum Belgsholti í Melasveit á Vesturlandi.
 
Ölgerðin segir, að þorrabjórinn sé 5,6% af styrk og er í stíl við þýskan festivalbjór. Auk íslenska byggsins sé í honum Pilsen korn og nokkuð af Munchen maltkorni, sem gefi honum ögn dekkri lit en algengustu lagerbjórum. Humlarnir í Þorrabjór séu svokallaðir aromahumlar, eða ilmhumlar, sem séu ekki eins bitrir og venjulegir humlar. 

• 2 blogg um fréttina

Bloggað um fréttina

• Einhver Ágúst: Gleðilegann bóndadag
• Ómar Ragnarsson: Bóndadagur og maðurinn sem fann upp þorramatinn.