Starfsmönnum RÚV á Austurlandi sagt upp

Útsendingar svæðisstöðva Ríkisútvarpsins verða lagðar niður á næstunni. Fram kemur á vef Austurgluggans, að þremur starfsmönnum RÚVAust hefur verið sagt upp og húsnæðið á Egilsstöðum er til sölu.

Ásgrími Ingi Arngrímssyni, fréttamanni, Heiði Ósk Helgadóttur, tæknimanni og Hafdísi Erlu Bogadóttur, markaðsfulltrúa var öllum sagt upp í morgun. Ekki er farið fram á að þau vinni uppsagnarfrestinn.

Austurglugginn segir, að fréttakonan Sigríður Halldórsdóttir, sem er á leið í barneignarleyfi og tökumaðurinn Hjalti Stefánsson verði áfram til taks. 

Útsendingar svæðisstöðva, sem verið hafa klukkan 17:20, leggjast af.  

• 1 blogg um fréttina

Bloggað um fréttina

• Ómar Geirsson: ICEsave ræður för.