Fundu loðnu við Austurland

Rannsóknarskip Hafrannsóknastofnunar Árni Friðriksson fann loðnu austur af landinu í dag. Sveinn Sveinbjörnsson fiskifræðingur treystir sér ekki til að segja til um hversu mikið magn er að ræða.

Árni Friðriksson var við loðnumælingar fyrr í þessum mánuði. Sveinn segist þá hafa fundið tvær göngur. Sú fyrri væri að öllum líkindum farin í átt suður með landinu. Sú loðna sem hann væri núna að mæla væri líklega úr seinni göngunni. Hann sagði að það tæki talsverðan tíma að mæla þessa loðnugöngu.

Loðnuskipið Súlan er líka að leita að loðnu. Skipið hefur leitað út frá Kolbeinseyjahrygg og í átt að Horni. Skipið hefur enn ekki fundið neina loðnu að heitið getur.

Loðnubræðslur eru núna að gera klárt fyrir loðnuvertíð, en þær vonast að sjálfsögðu eftir góðri veiði.

• 4 blogg um fréttina

Bloggað um fréttina

• Gísli Foster Hjartarson: Gleðitðiðndi ....eður ei?
• Guðrún María Óskarsdóttir.: Auka þarf þorskkvótann en láta loðnuna í friði þetta ár.
• Níels A. Ársælsson.: Látið loðnuna í friði
• Guðlaugur Hermannsson: Étum ekki útsæðið. Fiskimiðin eru okkar fiskeldi, loðnan er fóðrið.