Gísli tekur sér leyfi

Gísli Tryggvason, sem sækist eftir 1. sæti í prófkjöri Framsóknarflokksins í Kópavogi, mun taka sér leyfi frá hlutverki sínu sem talsmaður neytenda fram að prófkjörinu. Fram kemur í tilkynningu að hann hafi greint stjórnvöldum frá þessari ákvörðuns sinni.

 „Mun ég beina því til ráðherra að meta hvort setja þurfi annan löghæfan mann til að sinna því hlutverki á meðan – almennt eða í einstökum tilvikum. Öðrum verkefnum talsmanns neytenda mun ég sinna með óbreyttum hætti – svo sem að leiðbeina neytendum um færar leiðir til úrlausnar ágreiningsmála og kynna þeim réttarreglur um neytendamál,“ segir hann í tilkynningu.

Í dag skilaði Gísli inn framboði í oddvitasæti í komandi prófkjöri, en það fer fram 27. febrúar.

„Fram að prófkjörinu vík ég einnig sem formaður laganefndar Framsóknarflokksins og hef tilkynnt ritara flokksins þá ákvörðun mína,“ segir Gísli.

• 1 blogg um fréttina

Bloggað um fréttina

• Gísli Foster Hjartarson: Neytendavænt framboð?