Mikil fjölgun opinberra starfa

Opinberum störfum á vegum ríkisins fjölgaði um 2.139 stöðugildi í Reykjavík á seinustu tíu árum og um 1.068 stöðugildi á Norðausturlandi á sama tíma. Þetta kemur fram í svari fjármálaráðherra sem dreift hefur verið á Alþingi.

Í svarinu sem lagt er fram við fyrirspurn Sigmundar Ernis Rúnarssonar, þingmanns Samfylkingarinnar, kemur fram að störfum á vegum ríkisins, þ.m.t. hjá opinberum hlutafélögum, hefur hlutfallslega fjölgað mest í Norðvesturkjördæmi síðustu 10 árin. En raunfjölgun stöðugilda er mest í Reykjavíkurkjördæmunum síðustu 10 árin. Störfum á vegum ríkisins, þ.m.t. hjá opinberum hlutafélögum, hefur ekki fækkað í neinu kjördæmi landsins síðustu 10 árin.

Heildarfjöldi stöðugilda hjá ríkinu og opinberum hlutafélögum var 18.819 í lok seinasta árs en fyrir tíu árum var fjöldi stöðugilda 13.940.

• 2 blogg um fréttina

Bloggað um fréttina

• Sigurður Jónsson: Ótrúlegar tölur. Hvað varð um baráttumál Sjálfstæðismanna Báknið burt?
• Gísli Foster Hjartarson: Sumir fjölga sér hraðar en aðrir!!!