Orkan hefur ekki hækkað

Verð á eldsneyti hefur ekki hækkað á stöðvum Orkunnar en önnur olíufélög hækkuðu eldsneytisverð í gær og fyrradag vegna kolefnisgjalds, sem lagt var á eldsneyti um áramótin.

Algengt verð á bensínlítra er enn 194,50 krónur hjá Orkunni og dísilolíulítrinn kostar 193,20 krónur. Raunar er eldsneyti víða ódýrara og bensínlítrinn kostar m.a. 184,70 á stöðvum Orkunnar á Ísafirði og í Bolungarvík. Dísilolían kostar þar 183,50 krónur.

Algengt verð hjá stóru olíufélögunum þremur er nú 199,20 krónur, bensínlítrinn og 196,90 krónur dísilolíulítrinn. Hjá Atlantsolíu kostar bensín 197,60 krónur og dísilolía 195,30 krónur.

• 1 blogg um fréttina

Bloggað um fréttina

• Ívar Andersen: Og Ríkið hækkar enn skattana!