Ræddi við Miliband um Icesave

Össur Skarphéðinsson, utanríkisráðherra átti í morgun fund með David Miliband, utanríkisráðherra Bretlands, í London. Á fundinum fór Össur yfir stöðuna í Icesave, samráð íslensku stjórnmálaflokkanna og hvaða möguleika íslensk stjórnvöld sæu til lausnar á Icesave deilunni. 

Samkvæmt upplýsingum frá utanríkisráðuneytinu ræddi Össur einnig um stöðu efnahagsáætlunar Íslands hjá Alþjóðagjaldeyrissjóðnum og lagði áherslu á nauðsyn þess að sjóðurinn tæki áætlunina til meðferðar á réttum tíma.

Steingrímur J. Sigfússon, fjármálaráðherra, ræddi í gær í síma við Wouter Bos, fjármálaráðherra Hollands, og Paul Myners, bankamálaráðherra Bretlands. Hann segir að niðurstaða þeirra samtala hafi verið að halda áfram að ræða um næstu skref.

• 2 blogg um fréttina

Bloggað um fréttina

• Ingibjörg Guðrún Magnúsdóttir: Hvaða möguleika...
• Hólmfríður Bjarnadóttir: Viðræður utanríkisráðherra Íslands og Bretlands um ICESAVE.