Össur ræðir við nýjan utanríkisráðherra Litháen

Össur Skarphéðinsson utanríkisráðherra átti í dag símafund með Audronius Azubalis en hann tók við embætti utanríkisráðherra Litháens fyrr í dag. Þetta kemur fram í tilkynningu frá utanríkisráðuneytinu.

Utanríkisráðherra greindi honum frá flókinni stöðu Icesave-málsins og óskaði eindregið eftir stuðningi Litháen. Jafnframt kynnti ráðherra nýjum utanríkisráðherra stöðu aðildarumsóknar Íslands að Evrópusambandinu, lagði áherslu á að ESB héldi fyrri tímasetningum og að tvíhliða deila Íslands við Breta og Hollendinga spillti þar engu.

Í lok samtals óskaði Azubalis eftir því að forseti Íslands og utanríkisráðherra heiðruðu Litháa í mars nk. en þá verða tuttugu ár liðin frá því að Litháen lýsti yfir sjálfstæði.

• 2 blogg um fréttina

Bloggað um fréttina

• Axel Jóhann Axelsson: Össur búinn að uppgötva símann
• Ólafur Ragnarsson: Hvað liggur á??