Innlent | mbl | 14.2.2010 | 12:13

Nauðungarsölum ekki frestað

Dómur héraðsdóms Reykjavíkur hefur skapað mikla óvissu. mbl.is/Rax

Árni Páll Árnason félagsmálaráðherra segir að ekki standi til fresta nauðungarsölum sérstaklega á meðan að beðið er eftir niðurstöðu Hæstaréttar í myntkörfumálin að því er fram kom í hádegisfréttum Bylgjunnar.

Mikil óvissa ríkir nú um myntkörfulán eftir að Héraðsdómur Reykjavíkur komst að þeirri niðurstöðu á föstudag að gengistryggð lán væru ólögleg og hafa Hagsmunasamtök heimilanna lýst yfir þeirri skoðun sinni að fresta eigi nauðungarsölum þar til niðurstaða hæstaréttar liggur fyrir.

Nauðungarsölum verður þó frestað í sumum tilvikum til að fólk fái tækifæri til að vinna í heildaruppgjöri skulda og vinnur ríkisstjórnin að tillögum þessa efnis.