Ætluðu að kveikja í sykri, saltpétri og papriku

Lögreglan á Akranesi fékk á laugardagskvöldi tilkynningu um stráka, sem væru að reyna að kveikja í á lóð Brekkubæjarskóla. Þegar lögregla kom á vettvang voru piltarnir búnir að setja saltpétur, sykur og paprikukrydd í 2 lítra plastflösku og ætluðu að kveikja í þessu.

„Þetta var haldlagt og í framhaldi rætt við foreldra þeirra," segir lögreglan á vef sínum. 

Fleiri voru að fikta með eld á Akranesi um helgina því á  föstudagskvöld var tilkynnt um að eldvarnarkerfi Fjölbrautaskóla Vesturlands hafi farið af stað. Í ljós kom að einhverjir hafi verið að fikta með eld þarna en ekki um tilraun til íkveikju að ræða. Engar skemmdir hlutust þó af þessu.

• 2 blogg um fréttina

Bloggað um fréttina

• Ásgrímur Hartmannsson: Papriku?
• Bjarni Óskar Halldórsson: Man eftir að hafa notað sykur og saltpétur enn ekki …