Siðareglur í Stjórnarráðinu

Settar verða siðareglur fyrir starfsmenn Stjórnarráðs Íslands, samkvæmt nýju stjórnarfrumvarpi sem lagt hefur verið fram á Alþingi. Verði frumvarpið aðlög um um forsætisráðherra skipa „samhæfingarnefnd um siðferðileg viðmið fyrir stjórnsýsluna“.

Helstu verkefni samhæfingarnefndarinnar verða  „að stuðla að því að siðferðileg viðmið séu í hávegum höfð í opinberum störfum og veita fjármálaráðuneytinu, sem fer með starfsmannamál ríkisins, og öðrum stjórnvöldum ráðleggingar um ráðstafanir til að koma í veg fyrir hagsmunaárekstra og spillingu.“

Þá á nefndin m.a. að veita umsögn um drög að siðareglum á grundvelli laganna og laga um réttindi og skyldur starfsmanna ríkisins.

Í frumvarpinu eru einnig lagðar til breytingar á lögum um umboðsmann Alþingis, um réttindi og skyldur starfsmanna ríkisins og á lögum um ráðherraábyrgð.

Meðal annars verður bannað að láta starfsmann gjalda þess að hann greini viðeigandi aðilum frá lögbrotum eða brotum á siðareglum sem hann hefur orðið áskynja um í starfi.

Frumvarp um siðareglur fyrir Stjórnarráð Íslands

• 2 blogg um fréttina

Bloggað um fréttina

• Jakobína Ingunn Ólafsdóttir: Hvaða stjórnmálamenn hafa framið órefsiverð athæfi...
• Guðrún María Óskarsdóttir.: Samhæfingarnefnd um siðferðileg viðmið, stórkostlegt !