Hjólar ókeypis með ferðamenn um borgina

„Hjólreiðar geta orðið vaxtarbroddur í ferðaþjónustu ef vel er að því staðið,“ segir Stefán Helgi Valsson, leiðsögumaður hjá Iceland Bike – Reykjavík Bike Tours, fyrirtæki sem sérhæfir sig í reiðhjólaferðum um borgina með leiðsögn.

Í kynningarskyni hefur fyrirtækið boðið fólki upp á ókeypis hjólreiðaferðir, þar sem er lagt upp vestur í bæ og farið um Kvosina, suður í Vatnsmýri og vestur á Ægisíðu.

Í mörgum af helstu höfuðborgum heimsins, til dæmis Kaupmannahöfn, London, Berlín og París, eru starfrækt fyrirtæki sem bjóða upp á samskonar þjónustu.