InDefence með opna fundi

Á næstu dögum og vikum mun InDefence hópurinn bjóða upp á opna fundi um Icesave málið í öllum landsfjórðungum. Á fundunum munu fulltrúar InDefence kynna afstöðu hópsins til núverandi Icesave samninga og komandi þjóðaratkvæðagreiðslu og gefa fundargestum færi á umræðum um málið.
 
Fyrsti fundurinn verður haldinn á Hótel KEA á Akureyri fimmtudaginn 18. febrúar klukkan 20.

Í kjölfarið munu fylgja fundir á Ísafirði þriðjudaginn 23. febrúar og á Egilstöðum fimmtudaginn 25. febrúar, auk þess sem stefnt er að fundum á Selfossi og í Reykjanesbæ helgina 27.-28. febrúar.

Fundarstaðir og nánari tímasetningar verða auglýstar þegar nær dregur hverjum fundi, segir í tilkynningu frá InDefence-hópnum.

• 3 blogg um fréttina

Bloggað um fréttina

• Kristín H Berg Martino: Þjóðaratkvæðagreiðsla
• Magnús Helgi Björgvinsson: Ætlaði að ræða hér um tilgangsleysi og peningaeyðslu
• Guðni Karl Harðarson: Gott mál!